ភ្នំពេញ៖ អាជ្ញាធរអាកាសយានដ្ឋានអន្តរជាតិភ្នំពេញ បានចាប់ខ្លួនអ្នកដំណើរជនជាតិចិនតៃវ៉ាន់ម្នាក់ កាលពីយប់ថ្ងៃទី១០ ខែមីនា ឆ្នាំ២០២៤ ខណៈដែលជនសង្ស័យព្យាយាមឡើងយន្តហោះឆ្ពោះទៅប្រទេសជប៉ុន។ មន្ត្រីគយ និងរដ្ឋាករបានរកឃើញម្សៅក្រាមពណ៌សថ្លាចំនួន៣៥កញ្ចប់ ដែលលាក់ទុកនៅលើខ្លួនជនសង្ស័យ។
ការធ្វើតេស្តបឋមរបស់នាយកដ្ឋានប្រឆាំងគ្រឿងញៀន បានបង្ហាញថា សារធាតុញៀនប្រភេទមេតំហ្វេតាមីន មានទម្ងន់សរុប ៤,៩៦៥,៣០ក្រាម។
ជនសង្ស័យ រួមនឹងថ្នាំញៀន និងសម្ភារពាក់ព័ន្ធ ត្រូវបានសមត្ថកិច្ច រគល់ជូនមន្ទីរប្រឆាំងគ្រឿងញៀន ដើម្បីចាត់ការបន្តតាមនីតិវិធីច្បាប់។
ហេតុការណ៍នេះកើតឡើងបន្ទាប់ពីមានការបង្ក្រាបករណីជួញដូរគ្រឿងញៀនកាលពីប៉ុន្មានថ្ងៃមុនគឺនៅថ្ងៃទី៣ ខែមីនា ឆ្នាំ២០២៤ អាជ្ញាធរបានចាប់ខ្លួនប្តីប្រពន្ធជនជាតិកូរ៉េ២នាក់ដែលប៉ុនប៉ងចាកចេញពីកម្ពុជាទៅប្រទេសកូរ៉េខាងត្បូង ខណៈមានគ្រឿងញៀនជាង២គីឡូក្រាម ។
